میں شاید تم کو یکسر بھولنے والا ہوں
شاید جان جاں شاید
کہ اب تم مجھ کو پہلے سے زیادہ یاد آتی ہو
ہے دل غمگیں بہت غمگیں
کہ اب تم یاد دل دارانہ آتی ہو
شمیم دور ماندہ ہو
بہت رنجیدہ ہو مجھ سے
مگر پھر بھی
مشام جاں میں میرے آشتی مندانہ آتی ہو
جدائی میں بلا کا التفات محرمانہ ہے
قیامت کی خبر گیری ہے
بے حد ناز برداری کا عالم ہے
تمہارے رنگ مجھ میں اور گہرے ہوتے جاتے ہیں
میں ڈرتا ہوں
مرے احساس کے اس خواب کا انجام کیا ہوگا
یہ میرے اندرون ذات کے تاراج گر
جذبوں کے بیری وقت کی سازش نہ ہو کوئی
تمہارے اس طرح ہر لمحہ یاد آنے سے
دل سہما ہوا سا ہے
تو پھر تم کم ہی یاد آؤ
متاع دل متاع جاں تو پھر تم کم ہی یاد آؤ
بہت کچھ بہہ گیا ہے سیل ماہ و سال میں اب تک
سبھی کچھ تو نہ بہہ جائے
کہ میرے پاس رہ بھی کیا گیا ہے
کچھ تو رہ جائے
main
shayad tum ko yaksar bhulne wala hun
shayad
jaan-e-jaan shayad
ki
ab tum mujh ko pahle se ziyaada yaad aati ho
hai
dil ghamgin bahut ghamgin
ki
ab tum yaad dildarana aati ho
shamim-e-dur-manda
ho
bahut
ranjida ho mujh se
magar
phir bhi
masham-e-jaan
mein mere aashti-mandana aati ho
judai
mein bala ka iltifat-e-mehramana hai
qayamat
ki KHabar-giri hai
behad
naz-bardari ka aalam hai
tumhaare
rang mujh mein aur gahre hote jate hain
main
Darta hun
mere
ehsas ke is KHwab ka anjam kya hoga
ye
mere andarun-e-zat ke taraj-gar
jazbon
ke bairi waqt ki sazish na ho koi
tumhaare
is tarah har lamha yaad aane se
dil
sahma hua sa hai
to
phir tum kam hi yaad aao
mata-e-dil
mata-e-jaan to phir tum kam hi yaad aao
bahut
kuchh bah gaya hai sail-e-mah-o-sal mein ab tak
sabhi
kuchh to na bah jae
ki
mere pas rah bhi kya gaya hai
kuchh
to rah jae
