تمہاری یاد مرے دل کا داغ ہے لیکن
سفر کے وقت تو بے طرح یاد آتی ہو
برس برس کی ہو عادت کا جب حساب تو پھر
بہت ستاتی ہو جانم بہت ستاتی ہو
میں بھول جاؤں مگر کیسے بھول جاؤں بھلا
عذاب جاں کی حقیقت کا اپنی افسانہ
مرے سفر کے وہ لمحے تمہاری پر حالی
وہ بات بات مجھے بار بار سمجھانا
یہ پانچ کرتے ہیں دیکھو یہ پانچ پاجامے
ڈلے ہوئے ہیں کمر بند ان میں اور دیکھو
یہ شیو بکس ہے اور یہ ہے اولڈ اسپائس
نہیں حضور کی جھونجل کا اب کوئی باعث
یہ ڈائری ہے اور اس میں پتے ہیں اور نمبر
اسے خیال سے بکسے کی جیب میں رکھنا
ہے عرض ''حضرت غائب دماغ'' بندی کی
کہ اپنے عیب کی حالت کو غیب میں رکھنا
یہ تین کوٹ ہیں پتلون ہیں یہ ٹائیاں ہیں
بندھی ہوئی ہیں یہ سب تم کو کچھ نہیں کرنا
یہ ویلیمؔ ہے اونٹلؔ ہے اور ٹرپٹیؔ نال
تم ان کے ساتھ مری جاں ڈرنک سے ڈرنا
بہت زیادہ نہ پینا کہ کچھ نہ یاد آئے
جو لکھنؤ میں ہوا تھا وہ اب دوبارہ نہ ہو
ہو تم سخن کی انا اور تمکنت جانم
مذاق کا کسی انشاؔ کو تم سے یارا نہ ہو
وہ جونؔ جو نظر آتا ہے اس کا ذکر نہیں
تم اپنے جونؔ کا جو تم میں ہے بھرم رکھنا
عجیب بات ہے جو تم سے کہہ رہی ہوں میں
خیال میرا زیادہ اور اپنا کم رکھنا
ہو تم بلا کے بغاوت پسند تلخ کلام
خود اپنے حق میں اک آزار ہو گئے ہو تم
تمہارے سارے صحابہ نے تم کو چھوڑ دیا
مجھے قلق ہے کہ بے یار ہو گئے ہو تم
یہ بینک کار منیجر یہ اپنے ٹیکنوکریٹ
کوئی بھی شبہ نہیں ہیں یہ ایک عبث کا ٹھٹھول
میں خود بھی ان کو کرومیگنن سمجھتی ہوں
یہ شاندار جناور ہیں دفتروں کا مخول
میں جانتی ہوں کہ تم سن نہیں رہے مری بات
سماج جھوٹ سہی پھر بھی اس کا پاس کرو
ہے تم کو طیش ہے بالشتیوں کی یہ دنیا
تو پھر قرینے سے تم ان کو بے لباس کرو
تم ایک سادہ و برجستہ آدمی ٹھہرے
مزاج وقت کو تم آج تک نہیں سمجھے
جو چیز سب سے ضروری ہے وہ میں بھول گئی
یہ پاسپورٹ ہے اس کو سنبھال کے رکھنا
جو یہ نہ ہو تو خدا بھی بشر تک آ نہ سکے
سو تم شعور کا اپنے کمال کر رکھنا
مری شکست کے زخموں کی سوزش جاوید
نہیں رہا مرے زخموں کا اب حساب کوئی
ہے اب جو حال مرا وہ عجب تماشا ہے
مرا عذاب نہیں اب مرا عذاب کوئی
نہیں کوئی مری منزل پہ ہے سفر درپیش
ہے گرد گرد عبث مجھ کو در بہ در پیش
tumhaari
yaad mere dil ka dagh hai lekin
safar
ke waqt to be-tarah yaad aati ho
baras
baras ki ho aadat ka jab hisab to phir
bahut
satati ho jaanam bahut satati ho
main
bhul jaun magar kaise bhul jaun bhala
azab-e-jaan
ki haqiqat ka apni afsana
mere
safar ke wo lamhe tumhaari pur-haali
wo
baat baat mujhe bar bar samjhana
ye
panch kurte hain dekho ye panch pajame
Dale
hue hain qamar-band in mein aur dekho
ye
shawe-box hai aur ye hai old spice
nahin
huzur ki jhonjal ka ab koi bais
ye
Diary hai aur is mein pate hain aur number
ise
KHayal se bakse ki jeb mein rakhna
hai
arz hazrat-e-ghaeb-dimagh bandi ki
ki
apne aib ki haalat ko ghaib mein rakhna
ye
tin coat hain patlun hain ye Taiyan hain
bandhi
hui hain ye sab tum ko kuchh nahin karna
ye
william hai 'onTal' hai aur 'TarpaTi-nal'
tum
in ke sath meri jaan drink se Darna
bahut
ziyaada na pina ki kuchh na yaad aae
jo
lucknow mein hua tha wo ab dobara na ho
ho
tum suKHan ki ana aur tamkanat jaanam
mazaq
ka kisi 'insha' ko tum se yara na ho
wo
'jaun' jo nazar aata hai us ka zikr nahin
tum
apne 'jaun' ka jo tum mein hai bharam rakhna
ajib
baat hai jo tum se kah rahi hun main
KHayal
mera ziyaada aur apna kam rakhna
ho
tum bala ke baghawat-pasand talKH-kalam
KHud
apne haq mein ek aazar ho gae ho tum
tumhaare
sare sahaba ne tum ko chhoD diya
mujhe
qalaq hai ki be-yar ho gae ho tum
ye
bank-kar manager ye apne technocrat
koi
bhi shubh nahin hain ye ek abas ka ThiThol
main
KHud bhi in ko cro-magnon samajhti hun
ye
shandar janawar hain daftaron ka maKHaul
main
jaanti hun ki tum sun nahin rahe meri baat
samaj
jhuT sahi phir bhi us ka pas karo
hai
tum ko taish hai baalishtiyon ki ye duniya
to
phir qarine se tum un ko be-libas karo
tum
ek sada o barjasta aadmi Thahre
mizaj-e-waqt
ko tum aaj tak nahin samjhe
jo
chiz sab se zaruri hai wo main bhul gai
ye
passport hai is ko sambhaal ke rakhna
jo
ye na ho to KHuda bhi bashar tak aa na sake
so
tum shuur ka apne kamal kar rakhna
meri
shikast ke zaKHmon ki sozish-e-jawed
nahin
raha mere zaKHmon ka ab hisab koi
hai
ab jo haal mera wo ajab tamasha hai
mera
azab nahin ab mera azab koi
nahin
koi meri manzil pe hai safar darpesh
hai
gard gard abas mujh ko dar-ba-dar pesh
