وہ کتاب حسن وہ علم و ادب کی طالبہ
وہ مہذب وہ مؤدب وہ مقدس راہبہ
کس قدر پیرایہ پرور اور کتنی سادہ کار
کس قدر سنجیدہ و خاموش کتنی با وقار
گیسوئے پر خم سواد دوش تک پہنچے ہوئے
اور کچھ بکھرے ہوئے الجھے ہوئے سمٹے ہوئے
رنگ میں اس کے عذاب خیرگی شامل نہیں
کیف احساسات کی افسردگی شامل نہیں
وہ مرے آتے ہی اس کی نکتہ پرور خامشی
جیسے کوئی حور بن جائے یکایک فلسفی
مجھ پہ کیا خود اپنی فطرت پر بھی وہ کھلتی نہیں
ایسی پر اسرار لڑکی میں نے دیکھی ہی نہیں
دختران شہر کی ہوتی ہے جب محفل کہیں
وہ تعارف کے لیے آگے کبھی بڑھتی نہیں
wo
kitab-e-husn wo ilm o adab ki taliba
wo
mohazzab wo muaddab wo muqaddas rahiba
kis
qadar pairaya parwar aur kitni sada-kar
kis
qadar sanjida o KHamosh kitni ba-waqar
gesu-e-pur-KHam
sawad-e-dosh tak pahunche hue
aur
kuchh bikhre hue uljhe hue simTe hue
rang
mein us ke azab-e-KHirgi shamil nahin
kaif-e-ehsasat
ki afsurdagi shamil nahin
wo
mere aate hi us ki nukta-parwar KHamushi
jaise
koi hur ban jae yakayak falsafi
mujh
pe kya KHud apni fitrat par bhi wo khulti nahin
aisi
pur-asrar laDki main ne dekhi hi nahin
duKHtaran-e-shahr
ki hoti hai jab mahfil kahin
wo
taaruf ke liye aage kabhi baDhti nahin
