کتنے عیش سے رہتے ہوں گے کتنے اتراتے ہوں گے
جانے کیسے لوگ وہ ہوں گے جو اس کو بھاتے ہوں گے
شام ہوئے خوش باش یہاں کے میرے پاس آ جاتے ہیں
میرے بجھنے کا نظارہ کرنے آ جاتے ہوں گے
وہ جو نہ آنے والا ہے نا اس سے مجھ کو مطلب تھا
آنے والوں سے کیا مطلب آتے ہیں آتے ہوں گے
اس کی یاد کی باد صبا میں اور تو کیا ہوتا ہوگا
یوں ہی میرے بال ہیں بکھرے اور بکھر جاتے ہوں گے
یارو کچھ تو ذکر کرو تم اس کی قیامت بانہوں کا
وہ جو سمٹتے ہوں گے ان میں وہ تو مر جاتے ہوں گے
میرا سانس اکھڑتے ہی سب بین کریں گے روئیں گے
یعنی میرے بعد بھی یعنی سانس لیے جاتے ہوں گے
kitne
aish se rahte honge kitne itraate honge
jaane
kaise log wo honge jo us ko bhate honge
sham
hue KHush-bash yahan ke mere pas aa jate hain
mere
bujhne ka nazzara karne aa jate honge
wo
jo na aane wala hai na us se mujh ko matlab tha
aane
walon se kya matlab aate hain aate honge
us
ki yaad ki baad-e-saba mein aur to kya hota hoga
yunhi
mere baal hain bikhre aur bikhar jate honge
yaro
kuchh to zikr karo tum us ki qayamat banhon ka
wo
jo simaTte honge un mein wo to mar jate honge
mera
sans ukhaDte hi sab bain karenge roenge
yani
mere baad bhi yani sans liye jate honge
Jaun Eliya
