دھیان میں آ کر بیٹھ گئے ہو تم بھی ناں
مجھے مسلسل دیکھ رہے ہو تم بھی ناں
دے جاتے ہو مجھ کو کتنے رنگ نئے
جیسے پہلی بار ملے ہو تم بھی ناں
ہر منظر میں اب ہم دونوں ہوتے ہیں
مجھ میں ایسے آن بسے ہو تم بھی ناں
عشق نے یوں دونوں کو آمیز کیا
اب تو تم بھی کہہ دیتے ہو تم بھی ناں
خود ہی کہو اب کیسے سنور سکتی ہوں میں
آئینے میں تم ہوتے ہو تم بھی ناں
بن کے ہنسی ہونٹوں پر بھی رہتے ہو
اشکوں میں بھی تم بہتے ہو تم بھی ناں
میری بند آنکھیں تم پڑھ لیتے ہو
مجھ کو اتنا جان چکے ہو تم بھی ناں
مانگ رہے ہو رخصت اور خود ہی
ہاتھ میں ہاتھ لئے بیٹھے ہو تم بھی ناں
عنبرین حسیب عنبر
dhyan men aa kar baith gae
ho tum bhi naan
mujhe
musalsal dekh rahe ho tum bhi naan
de
jaate ho mujh ko kitne rang nae
jaise
pahli baar mile ho tum bhi naan
har
manzar men ab ham donon hote hain
mujh
men aise aan base ho tum bhi naan
ishq
ne yuun donon ko aamez kiya
ab
to tum bhi kah dete ho tum bhi naan
khud
hi kaho ab kaise sanvar sakti huun main
aine
men tum hote ho tum bhi naan
ban
ke hansi honton par bhi rahte ho
ashkon
men bhi tum bahte ho tum bhi naan
meri
band ankhen tum padh lete ho
mujh
ko itna jaan chuke ho tum bhi naan
maang
rahe ho rukhsat aur khud hi
haath
men haath liye baithe ho tum bhi naan
