بھیڑ میں اک اجنبی کا سامنا اچھا لگا
سب سے چھپ کر وہ کسی
کا دیکھنا اچھا لگا
سرمئی آنکھوں کے
نیچے پھول سے کھلنے لگے
کہتے کہتے کچھ کسی
کا سوچنا اچھا لگا
بات تو کچھ بھی نہیں
تھیں لیکن اس کا ایک دم
ہاتھ کو ہونٹوں پہ
رکھ کر روکنا اچھا لگا
چائے میں چینی ملانا
اس گھڑی بھایا بہت
زیر لب وہ مسکراتا
شکریہ اچھا لگا
دل میں کتنے عہد
باندھے تھے بھلانے کے اسے
وہ ملا تو سب ارادے
توڑنا اچھا لگا
بے ارادہ لمس کی وہ
سنسنی پیاری لگی
کم توجہ آنکھ کا وہ
دیکھنا اچھا لگا
نیم شب کی خاموشی
میں بھیگتی سڑکوں پہ کل
تیری یادوں کے جلو
میں گھومنا اچھا لگا
اس عدوئے جاں کو
امجدؔ میں برا کیسے کہوں
جب بھی آیا سامنے وہ
بے وفا اچھا لگا
امجد اسلام امجد
bhiiḌ meñ ik ajnabī kā sāmnā achchhā lagā
sab
se chhup kar vo kisī kā dekhnā achchhā lagā
surma.ī āñkhoñ ke nīche phuul se khilne lage
kahte
kahte kuchh kisī kā sochnā achchhā lagā
baat
to kuchh bhī nahīñ thiiñ lekin us kā ek dam
haath
ko hoñToñ pe rakh kar roknā achchhā lagā
chaa.e
meñ chīnī milānā us ghaḌī bhāyā bahut
zer-e-lab
vo muskurātā shukriya achchhā lagā
dil
meñ kitne ahd bāñdhe the bhulāne ke use
vo
milā to sab irāde toḌnā achchhā lagā
be-irāda lams kī vo sansanī pyārī lagī
kam
tavajjoh aañkh kā vo dekhnā achchhā lagā
nīm-shab kī ḳhāmoshī meñ bhīgtī saḌkoñ pe kal
terī yādoñ ke jilau meñ ghūmnā achchhā lagā
is
adū-e-jāñ ko ‘amjad’ maiñ burā kaise kahūñ
jab
bhī aayā sāmne vo bevafā achchhā lagā
