اے خدا عجب ہے ترا جہاں مرا دل یہاں پہ لگا نہیں
جہاں کوئی اہل وفا نہیں کسی لب پہ حرف دعا نہیں
بڑا شور تھا ترے شہر کا سو گزار آئے ہیں دن وہاں
وہ سکوں کہ جس کی تلاش ہے ترے شہر میں بھی ملا نہیں
یہ جو حشر برپا ہے ہر طرف تو بس اس کا ہے یہی اک سبب
ہے لبوں پہ نام خدا مگر کسی دل میں خوف خدا نہیں
جو ہنسی ہے لب پہ سجی ہوئی تو یہ صرف ضبط کا فرق ہے
مرے دل میں بھی وہی زخم ہیں مرا حال تجھ سے جدا نہیں
یہ جو دشت دل میں ہیں رونقیں یہ تری عطا کے طفیل ہیں
دیا زخم جو وہ ہرا رہا جو دیا جلا وہ بجھا نہیں
اے خدا عجب ہے تری رضا کوئی بھید اس کا نہ پا سکا
کہ ملا تو مل گیا بے طلب جسے مانگتے تھے ملا نہیں
وہ جو حرف حق تھا لکھا گیا کسی شام خون سے ریت پر
ہے گواہ موجۂ وقت بھی کہ وہ حرف اس سے مٹا نہیں
عنبرین حسیب عنبر
ai khuda ajab hai tira
jahan mira dil yahan pe laga nahin
jahan
koi ahl-e-vafa nahin kisi lab pe harf-e-dua nahin
bada
shor tha tire shahr ka so guzar aae hain din vahan
vo
sakun ki jis ki talash hai tire shahr men bhi mila nahin
ye
jo hashr barpa hai har taraf to bas is ka hai yahi ik sabab
hai
labon pe nam-e-khuda magar kisi dil men khauf-e-khuda nahin
jo
hansi hai lab pe saji hui to ye sirf zabt ka farq hai
mire
dil men bhi vahi zakhm hain mira haal tujh se juda nahin
ye
jo dasht-e-dil men hain raunaqen ye tiri ata ke tufail hain
diya
zakhm jo vo hara raha jo diya jala vo bujha nahin
ai
khuda ajab hai tiri raza koi bhed is ka na pa saka
ki
mila to mil gaya be-talab jise mangte the mila nahin
vo
jo harf-e-haq tha likha gaya kisi shaam khuun se ret par
hai
gavah mauja-e-vaqt bhi ki vo harf us se mita nahin
